Ingurune eroso eta oparoa

Araba ingurune eroso eta oparoa da. Lurraldea nabarmentzen da osasun sistema publiko bikainagatik, biztanleko gasturik handiena duena munduan. Halaber, era esanguratsuan inbertitzen du gizarte-zerbitzuetan, Espainiako batez bestekoa bikoiztuta. Beste alde batetik, Gasteizek udal ekipamenduen sare zabala du, guztiontzako kalitatezko gizarte, kultura eta kirol jarduerei ekiteko modua ziurtatzen duena

Bizimodu osasungarria eta osoa

Lurraldeak bizimodu osasungarria eta osoa sustatzen du. Kultur eskaintza aberatsa du, ekitaldi eta museo ospetsuen agenda zabalaren bidez. Gainera, denentzako kirol aukera ugari eskaintzen ditu. Mundu osoan ezaguna den euskal gastronomiak elikadura osasuntsuz eta askotarikoaz gozatzeko gonbita egiten digu.

Natura eta konpromiso jasangarria

Araba nabarmentzen da lurraldeko naturagatik eta konpromiso jasangarriagatik. Lurraldearen erdia baino gehiago babestuta dago, eta Gasteiz Europako lehena dugu berdeguneetan. Lurraldeak askotariko paisaiak ditu, hala nola mendilerroak, haranak eta basoak. Hiriburuak gizarte-kohesioan eta ingurumenean oinarritzen den hiri plangintza darabil; Europako Hiriburu Berdea izan zen 2012an eta Hiri Berdearen Munduko Saria jaso zuen 2019an.