Basquevolt, bakarrik bederatzi hilabetetan, 1 Ah-dun gelaxkak egitetik 20 Ah-dun gelaxkak mihiztatzera igaro da, eta aurrerapen garrantzitsu honi esker energia-dentsitate 450 Wh/kg lortzen da. Egungo Li-Ion merkatuko bateriek baino % 50 energia-dentsitate gehiago sortzen da gutxi gorabehera. Teknologia-konpainia arabar honen hurrengo urratsak gelaxken prestakuntza globala burutzean dautza, eta honek aurreikusitako segurtasun hobekuntzak ere berretsiko ditu oraingo litio-ioi teknologiarekiko.

CIC energiGUNEk, berriz, 2020an hasitako SAFELIMOVE proiektua burutu du, egoera solidoan dauden baterien segurtasuna, fidagarritasuna eta errendimendua hobetzeko teknologia lorpenekin. Teknologia honen etorkizuneko garapenak garraio elektrikorako abantaila asko ekar dezake. Adibidez, 300 kilometro gehiagoko gidatze-autonomia karga bakar batekin, karga denbora murriztea, segurtasuna handitzea eta bateriaren kostua % 50 gutxitzea.